Memorias de antes do encoro

César Acosta, criado en París e fuxindo dun desamor, viaxa por primeira vez á Galiza para coñecer a terra do seu pai, morto recentemente. Alí coñece a Cárlos Díez, un taxista sen carné, que o acompañará nunha investigación inesperada que os levará a unha chea de sorpresas sobre a vida que levou Dimas, «O Billares», nunha Galiza rural esquecida e asolagada baixo dun encoro, e na que as ras de origami terán unha importancia capital.